Rrufeja godet një kope në Jakupicë, ngordhin 95 dele

Një rrufe ka goditur një kope prej rreth 1,200 delesh në malin Jakupica, duke shkaktuar ngordhjen e 95 kafshëve. Incidenti ndodhi rreth 500 metra poshtë majës Maja e Selanikut, gjatë një stuhie që përfshiu rajonin e Velesit.

Policia e Maqedonisë së Veriut konfirmoi rastin, ndërsa bariu 37-vjeçar nga Jabolçishti i Epërm nuk ndodhej në vendin ku ra rrufeja dhe shpëtoi pa lëndime.

Rasti është raportuar në Agjencinë e Ushqimit dhe Veterinarisë, e cila, së bashku me Inspektoratin Shtetëror Veterinar të Velesit, ka kryer inspektim në vendin e ngjarjes.