Qeveria zgjat gjendjen e krizës për naftën deri më 20 tetor

Qeveria e Maqedonisë së Veriut ka vendosur të zgjasë gjendjen e krizës për furnizimin me naftë dhe derivate deri më 20 tetor 2026, me qëllim që institucionet të reagojnë shpejt në rast të çrregullimeve në treg. Vendimi synon të garantojë furnizim të qëndrueshëm me energji dhe të mbrojë qytetarët dhe ekonominë nga pasojat e mundshme të rritjes së çmimeve.

Zgjatja e masës vjen si pasojë e paqëndrueshmërisë në tregjet ndërkombëtare të energjisë, të shkaktuar nga tensionet në Lindjen e Mesme dhe rreziku për ndërprerje në transportin e naftës. Vendimi do t’i dërgohet Kuvendit për miratim, ndërsa kujtohet se çmimet e derivateve në vend u rritën më 13 korrik.